Қыркүйектің үшінші жексенбісінде Алматы дәстүрлі түрде өзінің туған күнін атап өтеді.
Биыл қала күніне орай түрлі іс-шаралар ұйымдастырылды. Мәселен, ауыл шаруашылығы жәрмеңкесі, концерттер, көрмелер, флешмобтар және фестивальдар өтіп жатыр.
Бүгін Абай алаңында қала әкімі Ерболат Досаев алматылықтарға арнап құттықтау сөз сөйледі.
Алматы әкімі қаланың еліміздің тарихындағы тарихи рөлін ерекше атап өтіп, оның дамуына қосқан үлесі үшін тұрғындарға алғысын білдірді.
Содан кейін Ерболат Досаев мегаполистің дамуы мен өркендеуіне елеулі үлес қосқан адамдарды: олардың ішінде ғалымдар, дәрігерлер, суретшілер, қоғам қайраткерлерін «Алматы қаласының Құрметті азаматы» атағымен марапаттады.
Ресми бөлім аяқталғаннан кейін қала әкімі Тұңғыш Президент саябағындағы «Alma Fest» және «Artbat Fest» заманауи өнер фестиваліне барды.
JQ-Aqparat
Суреттер: Алматы әкімінің баспасөз қызметі