Алматы облысының Райымбек ауданындағы «Алтын дән-1» өндірістік кооперативі америкалық PepsiCo корпорациясына картоп жеткізуді бастады. Биыл өңір шаруалары 2 300 гектарға картоп егіп, әр гектардан 200–250 центнер өнім алды. Жоғары көрсеткішке интенсивті агротехнологиялар мен заманауи жаңбырлатып суару жүйелерін қолдану ықпал етті.
Серіктестік аясында кооперативке элиталық тұқымдар ұсынылып, жаңбырлатып суару жабдығын енгізуге қолдау көрсетілді. Пилоттық жоба 150 гектар аумақты қамтыды.
Бұл жерде мемлекеттік қолдаудың маңызы зор.
Мәселен, жаңбырлатып суару жүйелеріне кеткен шығынның 80%-ы субсидияланған (шамамен 100 млн теңге).
Келесі жылы Райымбек ауданында жергілікті тұқым шаруашылығы іске қосылмақ. Жоба отандық картоптың сапасын арттыруға және елдің азық-түлік қауіпсіздігін нығайтуға бағытталған. Сондай-ақ, шаруалар өнімді сақтау үшін 10 мың тоннаға арналған көкөніс қоймасын салу қажеттігін айтты. Бұл ұсыныс облыс деңгейінде қаралуда.
Жалпы PepsiCo-мен серіктестік өңір агробизнесіне инвестиция тартуға, экспорт әлеуетін кеңейтуге және ауыл шаруашылығының техникалық жаңаруына ықпал етеді.
JQ-Aqparat
Сурет: Agropress
WhatsApp: +7 705 717 9113
