Алматы облысында жол апатынан 7 адам қаза тапты

Алматы облысында жол апатынан 7 адам қаза тапты, деп хабарлайды jasqazaq.kz облыстық полицияға сілтеме жасап.

Жол апаты Алматы – Бішкек автожолының 129-шақырымында болған. Алдын ала мәлімет бойынша, Honda Odissei автокөлігінің жүргізушісі алдында келе жатқан HOWO жүк көлігінің тіркемесімен соқтығысқан.

«Жол-көлік оқиғасының салдарынан жеңіл көлікте болған жеті адамның барлығы, оның ішінде жүргізуші де, алған жарақаттарынан көз жұмды», – деп хабарлады полиция.

Қазіргі уақытта болған жағдайдың барлық мән-жайын анықтауға бағытталған сотқа дейінгі тергеу жүріп жатыр.