Алматы облысының Полиция департаментінде Үндістаннан келген студенттер қаза тапқан жантүршігерлік жол апатының мән-жайы хабарланды, деп хабарлайды jasqazaq.kz.
Полицияның мәліметінше, Алматы – Бішкек автожолының 86-шақырымында болған жол-көлік оқиғасы бойынша қылмыстық іс тіркелді.
«Алдын ала деректерге сәйкес, Toyota Alphard автокөлігін басқарған 33 жастағы жүргізуші рөлге ие бола алмай, көлік аударылып кеткен. Жол-көлік оқиғасы салдарынан жүргізуші алған жарақаттарынан оқиға орнында көз жұмды. Екі жолаушы кейін медициналық мекемеде қайтыс болды, тағы үшеуі түрлі жарақаттармен ауруханаға жеткізілді», – делінген хабарламада.
Астанадағы Үндістан елшілігінің хабарлауынша, қайғылы оқиға 6 қаңтар күні болған. Дипломатиялық өкілдіктің мәліметіне сәйкес, көлікте Үндістанның бес азаматы болған — олардың төртеуі Шымкент қаласындағы Оңтүстік Қазақстан медицина академиясының студенттері, біреуі турист. Олар Шымкенттен Алматыға бағыт алған.
WhatsApp: +7 705 717 9113
