Алматы: Абай даңғылы жөнделіп бітті

Қала тұрғындары мен қонақтары үшін жақсы жаңалық: Абай даңғылын орташа жөндеу жұмыстары мерзімінен бұрын аяқталды.
Ұзындығы 6,5 км болатын Абай даңғылының Тілендиев көшесінен Достық даңғылына дейінгі бөлігінде орташа жөндеу аяқталды. Жөндеу шілде айында басталып, 31 тамызда аяқталады деп жоспарланған болатын. Жұмысты жылдамдату үшін екі мердігер ұйым тартылды. Асфальт түнде төселеді. Мұның бәрі жұмысты мерзімінен бұрын — 12 тамызда аяқтауға мүмкіндік берді. Тротуарлар 31 тамызға дейін жөнделіп бітеді. Қазір даңғыл бойынша жол таңбаларын сызу жұмыстары түнде – көлік аз кезде жүргізіліп жатыр.
Биыл алғаш рет полимерлер қосылған асфальтбетон қоспасы қолданылды. Оның артықшылығы жол жабынының пайдалану ұзақтығын арттырып, беріктігі мен аязға төзімділігін қамтамасыз етеді.
Биыл әкімдік ұзындығы 200 км-ден асатын 230 көшеге орташа жөндеуден өткізуді көздеп отыр, Алматыда 3097 км болатын 2746 көше бар.
JQ-Aqparat