Елімізде 2022 жылы алма ағаштары жақсы өнім берсе де, оның көп бөлігін өткізуге қатысты түйткіл туындады. Бұл туралы Мәжіліс депутаты Фахриддин Қаратаев Сауда және интеграция министрі Серік Жұманғаринге жолдаған депутаттық сауалында айтты.
«Сауда желілері мен делдалдар ұсынатын сатып алу бағалары төмен: бір келіге – 100 — 150 теңге. Сондықтан бақшаның бір бөлігін жинау экономикалық тұрғыдан тиімсіз. Жеміс-жидектің бір бөлігін Беларусь не Ресейге экспортқа жіберу осы тығырықтан шығарады. Еуразиялық экономикалық одақ бойынша солтүстік көршілер тарапынан жемістерге сұраныс бар және олар бір килоға кем дегенде дегенде 300 теңге төлеуге дайын. Бірақ бізде дайындау және өткізу жүйесінің болмауы жемісті тиеп-жөнелтуге айтарлықтай кедергі келтіреді», — деді депутат.
WhatsApp: +7 705 717 9113
