Әли Әкбар Зиәи: Қасиетті Құранды өртеу – сөз бостандығы емес

Әлемдік және дәстүрлі көшбасшылары Съезі Хатшылығының XXI отырысында Иран делегациясының өкілі, Дінаралық және мәдениетаралық диалог орталығының басшысы Әли Әкбар Зиәи сөз сөйледі.

«Біздің орталық 30 жылда жүздеген дөңгелек үстел ұйымдастырды. Бәрі дінаралық диалог тақырбында өтті. Дін көшбасшылары заманауи қоғамның сұраныстары мен қажеттіліктерін өткір түсінеді және оның шешу жолдарын ұсынуға дайын, — деді Әли Әкбар Зиәи.

Ол қасиетті Құран кітабын өртеуге қатысты пікірін білдірді. «Біз мұндай іс-әрекеттерді қандай да бір сөз бостандығының көрінісі ретінде қабылдамауымыз керек. Құран кітабын өртегендерде әр түрлі саяси мотив бар. Бұл біздің құндылықтарымызға қарама-қайшы келеді, сол себепті бірлесіп осындай іс-әрекеттерді бірауыздан айыптауымыз қажет. Біз мұндай жағдайдың қайталанбауын алдын алуымыз керек. Мұның салдары түрлі қоғамда қақтығыстардың өршуіне, сонымен бірге түсінбестікке әкеледі», — деді.

JQ-Aqparat

Фото: baq.kz