Алаяқтық үшін сотталған азамат
Украинадан елімізге экстрадицияланды.
Украинаның Әділет министрлігі Қазақстан сотының үкімін орындаудан жалтарған М. деген азаматты Қазақстан Республикасына беру туралы шешім қабылдады.
Сот аталған азаматты 2017 жылы аса ірі мөлшерде алаяқтық жасағаны үшін кінәлі деп танып, шартты мерзімге соттады.
2019 жылы М. соттың өзіне жүктеген шектеулерін бұзып, жазасын өтеуден жалтару мақсатында із суытқан соң іздеуге жарияланды. Биылғы жылдың тамыз айында іздеуде жүрген адамды Украина аумағында осы елдің құқық қорғау органдары ұстады.
Бүгін Қазақстан Республикасының Украинадағы, Молдовадағы және Түркиядағы Елшіліктерінің қолдауымен Қазақстан Бас прокуратурасы мен Интерпол қызметкерлері оны біздің елге экстрадициялады.
Бас прокуратураның ресми өкілі Дархан Дүйсембай хабарлағандай, қазір ол Астанадағы тергеу изоляторына қамалды.
JQ-Aqparat