Алакөлде 17 жастағы жасөспірім демалушылардың көз алдында суға батып кетті

07 тамыз, 15:53

Сурет: Видеодан кадр

Абай облысы Қабанбай ауылының маңында орналасқан Алакөлде 17 жастағы жасөспірім жалға алынған катерден құтқару жилетісіз суға секіріп, батып кеткен, деп хабарлайды jasqazaq.kz.

Облыстық ТЖД мәліметінше, бүгін құтқарушылар 500 метр қашықтықта, 6 метр тереңдіктен суға кеткен жасөспірімнің денесін тауып, судан алып шыққан.

Сондай-ақ, 32 жастағы катер иесіне қатысты қауіпсіздік талаптарына сай келмейтін қызмет көрсетіп, абайсызда адам өліміне әкеліп соқтырғаны үшін сотқа дейінгі тергеу басталғаны хабарланды.