Ақтөбе облысында жол апатынан 12 адам қаза тапты

23 қазан 2025, 10:59

Ақтөбе облысында жол апатынан 12 адам қаза тапты, тағы бес адам медициналық мекемеге жеткізілді, деп хабарлайды jasqazaq.kz.

«23 қазанда Самара – Шымкент автожолында, Белқопа ауылының маңында DAF жүк көлігі мен «ГАЗель» жолаушылар көлігі соқтығысты.Алдын ала мәлімет бойынша, жүк көлігі қарсы қозғалыс жолағына шығып кеткен», — делінген хабарламада.

Жол-көлік оқиғасы салдарынан оқиға орнында екі жүргізуші мен «ГАЗель» автокөлігінің 10 жолаушысы қаза тапты, тағы бес адам медициналық мекемеге жеткізілді.

Оқиға бойынша сотқа дейінгі тергеп-тексеру басталды.Анықталғандай, «ГАЗель» жолаушылар көлігі ресми түрде Т.Жүргенев ауылынан облыс орталығына жолаушылар тасымалдаумен айналысқан.

Оқиға орнында полиция қызметкерлері мен жедел-тергеу тобы жұмыс жасап жатыр, оқиғаның барлық мән-жайы анықталуда.
Қажетті тергеу әрекеттері жүргізілуде.