Ақтөбеде оқушы анасын пышақтап өлтіріп, әжесін жарақаттады

Ақтөбеде мектеп оқушысы туған анасын пышақтап өлтірді. Қандықол күдікті сол суық қарумен үйдегі қарт әжесін де жарақаттаған, деп хабарлайды jasqazaq.kz КТК-ға сілтеме жасап.

Жасөспірімнің мұндай жауыздығы жұртты шошытты. Ол 41 жастағы анасын пышақтап өлтіріп, әжесіне де қару сілтеген. Пәтерде қансырап жатқан зейнеткерді тәртіп сақшылары тапқан. Оны дереу жедел жәрдеммен ауруханаға жеткізіптіі. Немересі қастық қылған әже аман. Ал оқушы Ақтөбедегі мектептердің бірінде он бірінші сыныпта оқиды. Оқуда озат жасөспірімнің мұндай қылмысқа неге барғанын ешкім ашып айтпайды. Ол өз кінәсін бірден мойындаған.

Әліби Латып, Ақтөбе облысы бала құқығын қорғау басқармасының басшысы: — Кәмелетке толмаған бала тарапынан адам өлтіру фактісі болды. Өкінішті жағдай. Баланың жасы он алтыда. Мінезі тұйық. Толық отбасынан. Әлеумет жағдайы да, оқу үлгерімі де жақсы. Тергеу жүргізілуіне байланысты басқа ақпарат тарата алмаймыз.

Сурет: istockphoto.com