Ақтөбеде қала әкімі өз-өзіне қол жұмсады

22 желтоқсан 2025, 12:34

Оқиға сенбі күні болды. Темір қаласының әкімі Еркін Далмағамбетов өз үйінде өз-өзіне қол жұмсаған.

Ақтөбе облыстық полиция департаментінің баспасөз қызметі қылмыстық іс қозғалғанын хабарлады.

— Өз-өзіне қол жұмсау фактісі бойынша сотқа дейінгі тергеп-тексеру жұмыстарын бастады. Оқиғаның мән-жайы анықталып жатыр. ҚР ҚПК-нің 201-бабына сәйкес өзге ақпарат жариялауға жатпайды, — деп хабарлады облыстық ПД баспасөз қызметі.

Темір ауданының әкімі Алмас Жақсылықов та оқиғаны растады.

— Мұндай оқиға болғаны рас. Қазіргі таңда жан-жақты қаралып, тергеу жүріп жатыр. Балалары бар, — деді аудан әкімі.

Әкімдік ақпаратына сүйенсек, оқиға сенбі күні кешкілік тіркелді. Ол сол күні жолдастарымен қонақта болды.

Фото: gov.kz