Әкесін ұрып өлтіргені үшін айыпталған ер адам ел-жұрттан кешірім сұрады

Түркістан облысының Жетісай аудандық сотында әкесін ұрып өлтіргені үшін айыпталған Алмас Садықбаевтың соты бітуге жақын.
Сот отырысында соңғы сөзін айтқан айыпталушы көз жасына ерік берді. Ол өз кінәсін мойындап, ел-жұрттан кешірім сұрады.
А.Садықбаев: «Мен барлығының алдында кешірім сұраймын. Барлық қазақ халқынан кешірім сұраймын. Өз әрекетіме өкінемін. Туған-туыстардан кешірім сұраймын. Ашуға берілдім. Өмір бойы өкінетін боламын. Қателестім. Барлық мұсылман халқынан кешірім сұраймын. Мені түсініп, кешіріңіздер. Кінәмді толық мойындаймын», – деді.
Прокурор айыпталушыға 6 жыл 2 айға бас бостандығынан айыруды сұрап отыр. Сот үкімі бүгін шығуы тиіс.
JQ-Aqparat

Сурет: видеодан