Айка тізімі: аты-шулы блогер бостандыққа шықты

25 қараша 2025, 9:35

Сурет: Әлеуметтік желіден

«Элиталық эскорт» ұйымдастырды деп айыпталған блогер Айкаға екі жыл мерзімге жаза өтеуді кейінге қалдыру беріліп, пробациялық бақылауға жіберілді. Бұл мерзім аяқталғаннан кейін ол жазасын одан әрі өтеуге қайта оралуға міндетті, деп хабарлайды jasqazaq.kz Tengrinews-ке сілтеме жасап.

Кәмелетке толмаған баласы бар әйелдерге жаза өтеуді кейінге қалдыру мүмкіндігін беретін ҚК-тің 74-бабына енгізілген өзгерістерден кейін, Айканың адвокаты сотқа өтініш берген. Блогердің 2020 жылы туған баласы бар, осыны ескерген сот өтінішті қанағаттандырды.

Бұған дейін ол психотроптық заттарды аса ірі көлемде заңсыз айналымға түсіргені және жеңгетайлықпен айналысқаны үшін кінәлі деп танылып, 6 жыл 6 айға бас бостандығынан айырылған болатын.