Аида Балаева Ұлттық құрылтай мүшелерімен кездесті

Түркістан қаласында өткен Ұлттық құрылтай жиынында Президент «Әділетті Қазақстанды құру үшін әрбір отандасымыз адал азамат болуы» қажет деген.

Қоғамда отаншылдық, адамгершілік, білімпаздық, нағыз маман болу, үнемшілдік, еңбекқорлық, ел мен жерге жанашырлық сияқты асыл қасиеттер бәрінен биік тұруы тиіс. Елімізде белсенді сарапшылардың Ұлттық құрылтай құрамына енуі қоғамның еліміздің қоғамдық-саяси өміріне қатысу мүмкіндігін кеңейтті және азаматтардың заңды құқықтары мен мүдделерін қорғауға мүмкіндік жасады.

Кездесуде еліміздің мәдениет және ақпарат министрі, Ұлттық құрылтай хатшысы Аида Балаева Ұлттық құрылтай мүшелерінің ұсыныстарын тыңдап, елімізде жаңа қоғамдық этика қалыптастыру, елдің бірлігі мен тұрақтылығы, азаматтардың өзара тілектестігі, әділдік, заң мен тәртіп, сенім және жауапкершілік сияқты құндылықтарды ілгерілету мәселелері талқыланды.

Сондай-ақ Аида Балаева Мемлекет басшысының Түркістан қаласында өткен Ұлттық құрылтайда берген тапсырмасы аясында мәдени мұраны сақтау және зерделеу, елдің өзіндік ерекшелігін көрсететін және ұлттық мүдделерге сәйкес келетін кітаптардың шығарылымын ұлғайту мәселелері бойынша ақпарат берді.

JQ-Aqparat