Абай облысының жастары ұлы ақынның мерейтойына арнап челлендж жариялады

05 тамыз, 22:25

Абай облысының жастары қазақтың ұлы ақыны Абай Құнанбайұылының 180 жылдың мерейтойына арнап челлендж жариялады.
Бұл бастаманы олар еліміздің барлық Жастар саясаты басқармаларына, республикалық жастар ұйымдарына, студенттік өзін-өзі басқару кеңестеріне, өңірлік жастар ресурстық орталықтарына, сондай-ақ шетелдегі қазақ жастары мен қандастарға, Президенттік жастар кадр резерв мүшелеріне және барлық деңгейдегі Жас ғалымдар клуб мүшелеріне жолдайды.
Челлендж шарты:
Абайдың қара сөзінен немесе өлеңінен үзінді жатқа айту;
Видео форматында түсіріп, TikTok немесе Instagram парақшаңызда жариялау;
Абай жастары күллі барша жұртты челленджге белсенді қатысып, Абай мұрасын заманауи форматта дәріптеуге шақырады.