8 жастағы немересі абайсызда әжесінің өліміне себеп болды (Видео)

Бүгін, 12:15

Үндістанның Фарухаббад қаласында қайғылы оқиға тіркелді. 8 жастағы бала абайсызда көлік жүргізіп, өз әжесін қағып, оның өліміне себеп болған.

Алдын ала мәліметтерге сәйкес, 71 жастағы әйел кешкі уақытта жұмыстан қайтып келе жатқан ұлын қарсы алу үшін үй ауласындағы қақпаны ашқан. Ұлы көлікпен аулаға кіргеннен кейін, әйел қақпаны жабуға кіріскен.

Осы сәтте әкесі баласын көлікте жалғыз қалдырған, салдарынан 8 жастағы немересі жүргізуші орындығына ауысып, көлікті артқа қарай жүргізіп жіберген. Бала көлікті басқара алмай, қақпаны жауып тұрған әжесін қағып, оны қоршауға жаншып жіберген.

Салдарынан ауыр жарақат алған әйел оқиға орнында көз жұмды.
Мамандар мұндай жағдайлардың алдын алу үшін балаларды қараусыз қалдырмауға және көлік қауіпсіздігіне ерекше мән беруге шақырады.