Денсаулық сақтау министрі Ажар Ғиният Көкшетаудағы сарбаздардың инфекция жұқтыруына қатысты түсініктеме берді.
«Қазір Ақмола облысының әскери бөлімшесінде 45 сарбаздың инфекциялық ауру жұқтырғаны анықталды. Олар инфекциялық стационарға орналастырылды. 41 науқас қазір ауруханада жатыр. Бір науқас жансақтау бөліміне түсті, бүгін оның жағдайы жақсарды. Олардан менингококк инфекциясы мен энтровирус инфекциясының симптомдары анықталды. Маусымдық инфекция жүріп жатыр», — деді министр.
Министр олармен байланыста болғандар тексерілгенін атап өтті. Сондай-ақ ауру симптомы бар сарбаздар оқшауланып, барлығы бақылауға алынғанын айтты.
JQ-Aqparat