Апатты жою жөніндегі республикалық жедел штабтың басшысы, төтенше жағдайлар министрі генерал-майор Сырым Шәріпханов шахтаға түсіп, кеншілердің қаза болған жерлерді тексерді.
ТЖМ хабарлағандай, апатты жою жөніндегі жедел штаб тәулік бойы іздестіру-құтқару жұмыстарын тоқтатқан жоқ..т Ең қауіпсіз және кеншілер болуы мүмкін учаскелер бойынша тау-кен құтқарушыларының өту жолдары пысықталуда.
Іздестіру жұмыстары шамамен бір-бірінен 4 шақырым қашықтықта орналасқан екі өндіру учаскесінің ауданында жүргізілуде.
Тау-кен құтқарушылары қажетті жабдықтармен және байланыс құралдарымен қамтамасыз етілген. Газ жағдайы бақылауда.
Іздестіру-құтқару жұмыстарына барлығы «Кәсіби әскерилендірілген авариялық-құтқару қызметтерінің республикалық орталық штабы» ЖШС Қарағанды филиалының 55 тау-кен құтқарушысы және 15 техникасы жұмылдырылды.
Шұғыл медициналық көмекті қамтамасыз ету үшін 21 адам және 7 бірлік жедел медициналық жәрдем техникасы жұмылдырылды.
Бұдан басқа, ТЖМ және Қарағанды облысының ТЖД-да республикалық және облыстық жедел штабтар жұмыс істейді.
Сағат 15:00-дегі жағдай бойынша 42 кеншінің денесі табылды, төртеуін әлі іздеп жатыр.
JQ-Aqparat
Сурет: ТЖМ баспасөз қызметі