2 айлық баланы ұрған күтуші қамауға алынды

Вьетнам тұрғыны үйінде бала күтуші болып жұмыс істеген Нгуен Тхи Ханның іс-әрекетін видеоға түсіріп, оның нәрестені ұрып-соққанын анықтаған, деп хабарлайды Baq.kz ақпарат агенттігі life.ru-ға сілтеме жасап.

Ата-анасы сәбидің мазасызданып, жылай бергенін байқаған соң күтушіге күмәндана қарайды. Сөйтіп, баланың анасы Нгок Фуонг 51 жастағы күтушіні жасырын видеоға түсірмекші болады.

Белгілі болғандай, бала күтуші нәресте жылаған кезде оны сілкілеп, ұрып-соққан.

Дереккөзінің хабарлауынша, Нгуен Тхи Хан бұл отбасында бала туғаннан бері жұмыс істеген. Видеоны көргеннен кейін Нгок Фуонг полиция шақыртып, құқық қорғаушылар күтушіні қамауға алған.