2 адам қаза болған жол апаты бойынша істе Шавкат Рахмоновтың әйелі куәгер ретінде танылды

06 тамыз 2025, 16:32

2025 жылғы 27 шілдеде Алматы – Екатеринбург тас жолында адам өліміне алып келген жол-көлік оқиғасы орын алды. Осыған дейін айтылғандай, көлікті Шавкат Рахмоновтың жұбайы басқарған. Полиция оның куәгер ретінде танылғаны айтты, деп хабарлайды jasqazaq.kz.

Жамбыл облыстық полиция департаментінің баспасөз қызметі бұл жол апатына байланысты барлық қажетті тергеу әрекеттері жүргізіліп жатқанын хабарлады. Тергеу барысында оқиғаның нақты мән-жайын анықтауға бағытталған процессуалдық шаралар қолға алынған.

Сондай-ақ Гулайым Рахмонова бұл істе куәгер ретінде танылғаны атап өтілді.

— «Қазіргі уақытта азаматша қорғау құқығы бар куәгер ретінде сұралды. Ол Алматы қаласындағы ауруханада жатыр», — делінген ресми мәлімдемеде.