156 млн теңгеге зергерлік бұйымдарды ұрлады деген күдікпен іздеуде жүрген қазақстандық Стамбулда ұсталды

28 қараша 2025, 9:39

156 млн теңгеге зергерлік бұйымдарды ұрлады деген күдікпен іздеуде жүрген қазақстандық Стамбулда ұсталды, деп хабарлайды jasqazaq.kz ІІМ баспасөз қызметіне сілтеме жасап.

Қазақстан ІІМ Интерпол Ұлттық орталық бюросының сұрауымен Стамбулда ҚР ҚК-нің 188-бабының 4-бөлігі (ұрлық) бойынша қылмыс жасады деген күдікпен халықаралық іздеуде жүрген 33 жастағы әйел ұсталды.

2021 жылдың желтоқсанынан 2022 жылдың маусымына дейін Астанадағы зергерлік дүкендердің бірінде сатушы болып жұмыс істей жүріп, ол жалпы құны 156 млн теңгеден асатын бұйымдарды ұрлап кеткен.

27 қарашада түрік құқық қорғау органдарының көмегімен күдікті Қазақстанға депортацияланып, қамауға алынды.