12 жасар қыз баланы жүкті еткен туған әкесі болып шықты

Омбыда 12 жасар қызын зорлап, жүкті еткен ер адам асылған күйі табылды. Бұл туралы NUR.KZ порталы om1.ru сайтына сілтеме жасап хабарлайды.

Қыз баланың жүрегі айнып, басы айнала бастағасын анасы оны дәрігерге алып барады. Нәтижесінде жеткіншектің аяғы ауыр екені анықталған. Құрсақтағы бала өсіп қалғандықтан, жеткіншекке түсік тастауға болмайтыны да белгілі болды.

Ең сорақысы, қыз баланы жүкті еткен туған әкесі болып шықты. Ол жеткіншекті ағымдағы жылдың мамырында зорлап тастаған екен. Әкесі қызына бұл жайт туралы тіс жармауын бұйырып, өзі өзге аймаққа жұмыс бабымен кетіп қалады.

Әкесінен қорыққан қыз шындықтың беті ашылмайынша анасына бұл жайт туралы мүлде айтпаған. Қыздың әкесіне іздеу салынғаннан кейін ер адамның қайтыс болғаны туралы хабар келіп жетті.

Соңғы айларда Урал аймағында тұрып келген 37 жастағы азамат асылған күйі табылыпты. Ол қылмыс жасағаннан кейін өзіне қол салды деген болжам жасалуда.