Павлодар облысының полицейлері 1176 мас жүргізушінің жолын кесті. Polisia.kz хабарлағандай, полицейлердің бірнеше рет ескертуіне көлік жүргізушілері құлақ аспаған. Осы жылы полицейлер көлікті мас күйде жүргізген 1176 факті тіркеді, оның 76-ы рөлге мас күйінде қайта отырғандар. – Мысалы, 8 қараша күні сағат 00:10-да Шарбақты ауылында полиция қызметкерлері Рено Логан автокөлігін тоқтатты. 26 жастағы жүргізуші жолда өзін сенімді сезінбеді. Жүргізілген куәландыру полицейлердің қорқынышын растады – ер адам мас күйінде жолға шықты. Сонымен қатар белгілі болғандай, жүргізуші сот шешімі бойынша көлік құралын жүргізу құқығынан 7 жылға айырылған. Енді жүргізуші қылмыстық жазаға тартылады, – деп атап өтті Павлодар облысы ПД баспасөз қызметі. Полицейлер мас жүргізушілерді анықтау жұмыстың басым бағыттарының бірі екенін тағы да еске салады.
JQ-Aqparat