Бүгін жаңа оқу жылы басталды. Оқу-ағарту министрлігінің мәліметінше, 1 қыркүйектен бастап 7 700 білім беру ұйымында 3 млн 900 мың бала білім алады. Олардың 382 мыңы мектеп табалдырығын алғаш рет аттап отыр.
Еліміздің мектептерінде 340 676 мұғалім жұмыс істейді. Оның ішінде еңбек өтілі 10 жылға толмаған 147 402 мұғалім, 20 жылға жуықтаған 88 393, 20 жылдан асқан 104 881 мұғалім бар.
Жыл сайын тұрмысы төмен отбасыларға көмек көрсетіледі. Биыл 460 мың бала үшін 65,8 млрд теңге қарастырылған.
Президенттің 1-4 сынып оқушыларын тегін тамақпен қамтамасыз ету туралы тапсырмасы биылғы оқу жылында толығымен орындалмақ. Бұл үшін облыс әкімдіктері тарапынын қаражат бөлінді. Соның нәтижесінде 1 қыркүйектен бастап 1 млн 400 мың бастауыш сынып оқушысы тегін тамақтанады.
JQ-Aqparat