Мәскеуде белгісіз біреу атыс ашып, бірнеше адамды кепілге алды

Мәскеудің оңтүстік-шығысында орналасқан ғимаратта белгісіз біреу атыс ашты. Алдын ала мәлімет бойынша, салдарынан бір адам қайтыс болды. Бұл туралы Хабар 24 хабарлады.

Белгілі болғандай, фабрика ғимаратында бірнеше адам кепілге алынған. Сондай-ақ болжам бойынша шаруашылық жүргізуші субъектілер арасында кикілжің туындаған. Қазір атыс болған фабрика ғимаратына арнайы жасақ пен ЕММЖ бөлімшелерінің қызметкерлері жіберілді. Полицейлер атыс ашқан азаматпен мәмілеге келу мақсатында келіссөздер жүргізіп жатыр.