jasqazaq.kz
Ақпарат агенттігі

Ғаламаттың ғажап күйі

03 желтоқсан 2021, 12:38
492

Ғаламаттың ғажап күйі

Жаңа күй «Тұран» деп аталады. Тың туындыны әлеуметтік желіден тыңдап, оның маңызын арттырып, әрін келтірген бейнебаянын да көруге болады. Тәуелсіздікке қолымыз жеткеннен кейін ғана халқымыздың, Алаш арыстарының ақ арманы орындалып, асыл мұраты іске аса бастағаны аян. Түркі жұрты түгел тәу ететін Түркістанымыз түлеп, рухани жаңғырудың қаласына айналып келеді. Одан да маңыздысы – түркі халықтарының бірлігін әлемге әйгіліген ұлы Тұран даласының даңқын бүгінде Ұлы Дала Елінің жалғастыруы болса керек.

Түркі халықтарының басты жетістігі – тұтастығы, татулығы бекемделе түсті, межесі – барлық салада бәсекеден тартынбайтын, озық елдерге есе жібермеу. Соның ішінде, мәдениетіміз бен өнеріміздің өрісін кеңейту, танымалдығын арттыра беру. Жас ұрпақтың айтары мен аңсары әнде, күйде көрінуі де табиғи нәрсе. Өйткені өткеннің сабағы, бүгіннің ырысы, ертеңнің еншісі оларға күш-жігер, қуат-қайрат, рух береді.

Күйді шығарған жас композитор, Құрманғазы атындағы Қазақ ұлттық консерваториясының студенті Ғаламат Бейсеқожа – елімізге талантымен танылған ағайындылардың ортаншысы. 100-ден астам шығармасы бар жас дарын дәл осы күндері інісі Нұрәлімен бірге Германияда концерт беріп жүр.

Міне, осындай талапты жастарымызды қолдау жөнінде Мемлекет басшысы: «Қазақстан мәдениетінің өкілдері өңірлік және жаһандық деңгейде өз орындарын ойып тұрып алып жатыр. Біз осы мүмкіндікті еліміздің мәдениетін әлемге танытудың жолы ретінде қарастыруымыз керек», – деген болатын.

Ғаламаттың ғажап күйі

Шындығында, «бұлақ көріп, көзін ашудан гөрі», оның арқырап, сарқырай аққан кезінде ғана қожасы мен иесі көбейіп кететін үрдістен арылатын кез келді. Тума таланттарды шырақпен іздеп жүрген елдер де жоқ емес. Сондықтан, ақын Мұхтар Шаханов:

«Түсінбестік — секілді бір көк тұман
Сол көк тұман тудырады көп күмән.
Бір жас дарын көтерілсе мінбеге,
Жұрт түсінбей қалмаса екен деп тұрам!» –

деп жырлағандай, дарынды, талантты жастарымызды түсініп, оларды қолдау тиісті ұйымдардың да, жекелеген азаматтардың да өз халқына, туған елінің мәдениеті мен өнеріне деген адалдығын көрсетсе керек.

Ғаламаттың ғажап күйі

Дархан МЫҢБАЙ,
Мәжіліс депутаты

21 қантар, 11:52
Тәрбие құралы Тик-Ток боп тұр
21 қантар, 11:45
Елдігімізді қадірлейік!
21 қантар, 11:11
Нұрғали Нүсіпжанов: Біздің заманымызда жастарымыздың патриоттығы ерекше еді
30 желтоқсан 2021, 20:07
“Құрманбектің Ақтотысы” (Видео)
24 желтоқсан 2021, 12:05
Айтылмаған әңгіме
24 желтоқсан 2021, 11:55
Желтоқсан ақиқаты мен ақтаңдақтары
24 желтоқсан 2021, 11:38
Желтоқсанды ойласам, өзегімді өрт қабады
24 желтоқсан 2021, 11:28
Дінмұхаммед Нұрлан: Тәуелсіз елде туғаныма мақтанамын!