jasqazaq.kz
Ақпарат агенттігі

Елорда маңындағы Қоянды кентіндегі үйлерді су басты

08 сәуiр, 11:49
142

Елорда маңындағы Қоянды кентіндегі үйлерді су басты

Екі өңірдің құтқарушылары Қоянды кентінде құтқару жұмыстары жүргізілуде. Бұл туралы ҚазАқпарат ТЖМ сілтеме жасап хабарлайды.

Елорда маңындағы Целиноград ауданының Қоянды ауылында Ақмола облысы мен Нұр-Сұлтан қаласының құтқарушылары үш тұрғын үйден еріген қар суын сору бойынша авариялық-құтқару жұмыстарын жүргізуде. Онда қардың қарқынды еруі және еріген судың жиналуы салдарынан үйлер мен аула аумақтарын су басты. Бұл туралы ҚР ТЖМ ресми өкілі Талғат Уәли айтты. Авариялық-құтқару жұмыстарын жүргізуге ТЖД мен жергілікті атқарушы органдарының күштері мен құралдары жұмылдырылды. Атап айтқанда 49 адам, 17 бірлік техника, 9 бірлік мотопомпа.

Сонымен қатар, Целиноград ауданының Талапкер, Қараөткел, Қоянды, Арайлы, Қаражар, Қызылжар, Ақмол, Қосшы, Қабанбай батыр, Қызылсуат және Жарлыкөл кенттерінде еріген қар суын сору жұмыстары жүргізілуде. Бүгін сағат 10.35-те Нұр-Сұлтан қаласынан «Қазавиақұтқару» АҚ МИ-869 тікұшағы су тасқыны жағдайына мониторинг жүргізу үшін әуеге көтерілді. Бағыты Вячаслав су қоймасы-Қоянды-Ильинка- Преображенский су реттегіші. Тікұшақ ернеуінде Ақмола облысы ТЖД, әкімдіктің, Қазақстан Республикасы Экология, геология және табиғи ресурстар министрлігінің, «Қазгидромет» РМК өкілдері бар. Жағдай Ақмола облысы ТЖД бастығы Нұрлан Атығаев пен жергілікті атқарушы органдардың бақылауында.

Айта кету керек, Ақмола облысында қардың еруі салдарынан су басуға жол бермеу үшін елді мекендерде қар шығару жұмыстары жүргізілуде. Жалпы облыс бойынша 447 813,76 текше метр қар шығарылды. 177921,8 текше метр еріген қар суы сорылды. 13482 қапқа инертті материалдар салынып, төселді. 2511 метр бөгет нығайтылды. 128084,61 метр су бұру арналары мен арықтары тазартылды. 2099 метр арналар мен арықтар қалыпқа келтірілді.

09 сәуiр, 12:02
Ғаламдық қаржы жобасы. AIFC
09 сәуiр, 11:26
Жанкүйер жеңілгенді қалай ма?
09 сәуiр, 11:11
Қанды сұйылтады Қазақ ғалымдары коронавирусқа қарсы дәрі жасады
26 наурыз, 11:52
«Боржомилатқан» наурыз күшті ме?
26 наурыз, 11:15
Жер жетеді. Бірақ диқан мен малшыға жер жоқ
26 наурыз, 11:08
Қысастық
26 наурыз, 11:06
Ұлыс күні – ұлттың рухын оятатын мереке
19 наурыз, 11:57
Диплом, онлайн білім және оқу ақысы