jasqazaq.kz
Ақпарат агенттігі

Қазақстан Президентінің Германияға жұмыс сапары басталды

14 ақпан, 15:31
4

Қазақстан Президентінің Германияға жұмыс сапары басталды

Мемлекет басшысы Қасым-Жомарт Тоқаев Германияның Мюнхен қаласына жұмыс сапарымен келді.

 Сапар бағдарламасы аясында Президент Мюнхен қауіпсіздік конференциясының панельдік пікірталасына қатысады. Айта кетейік, Қазақстан Президенті бірнеше мемлекеттің басшыларымен, халықаралық ұйымдардың, Германияның ірі компанияларының жетекшілерімен, сондай-ақ академиялық топтардың өкілдерімен бірқатар екіжақты кездесулер өткізеді деп жоспарланған. Аталған Мюнхен конференциясына 40-қа жуық мемлекеттің басшылары, 100-ден астам сыртқы істер және қорғаныс министрлері, халықаралық қатынастар саласындағы беделді сарапшылар, Еурокомиссия өкілдері, сондай-ақ Еуропалық парламент депутаттары қатысады деп күтілуде. Мюнхен қауіпсіздік конференциясының 56-шы отырысы 2020 жылдың 14-16 ақпаны аралығында өтеді. Алдын ала ақпарат бойынша, конференцияны Германияның федералдық президенті Франк-Вальтер Штайнмайер ашатын болады. Бүгінде бірқатар елдің басшылары форумға қатысандықтарын растады. Конференция күнтәртібінде «ЕО мен НАТО болашағы», «Киберқауіпсіздік», «Денсаулық сақтау мәселелері», «Сауда соғыстары мен санкциялар», «Жалған ақпарат, насихат пен күмәнді жаңалықтар», «Қытай рөлі мен ЕО-ның Ресеймен және АҚШ-пен қатынасы», «Таяу Шығыстағы ахуал» тақырыптары талқыланбақ. Атап айтқанда, Мемлекет басшысының Мюнхен қауіпсіздік конференциясына қатысуы Қазақстанның бастамаларын әлемдік аренада ілгерілетудің, бітімгершілік саласындағы негізгі өңірлік ойыншы ретіндегі Қазақстанның беделін нығайтудың маңызды кезеңі болады. Сонымен қатар, бүгінгі кездесулер 2019 жылғы желтоқсанда Қасым-Жомарт Тоқаевтың Германияға ресми сапары барысында қол жеткізілген уағдаластықтардың тиімді іске асырылуына айтарлықтай ықпал етеді. Бұдан бұрын хабарланғандай, Мемлекет басшысы Қасым-Жомарт Тоқаевтың Мюнхен қаласына жұмыс сапарымен баратыны айтылған еді.

inform.kz

20 наурыз, 19:18
Он үштің үндеуі
19 наурыз, 12:36
«Шалғайдағы біздер шұлғауымызға шырмалып жүрміз»
19 наурыз, 12:23
Қазақтың рыцары
13 наурыз, 17:27
Ортақ мүдде болу керек
13 наурыз, 14:22
"Қара дүйсенбі"
13 наурыз, 13:09
Әйтеуір... «келмесе» екен!
13 наурыз, 12:19
Өндірісті ауылда ашу керек
13 наурыз, 11:21
«Алыпсатар, пайданы емес, халықты ойла!»
Серіктестер жаңалықтары