jasqazaq.kz
Ақпарат агенттігі

JAS QAZAQ марапатталды

15 қазан 2019, 20:26
368

JAS QAZAQ марапатталды

Алматы әкімі Бақытжан Сағынтаев «Қазақ ССР Тілдер туралы» алғашқы Заңның қабылданғанына 30 жыл толуына орай бір топ зиялы қауым өкілімен кездесті. Бақытжан Сағынтаев мемлекеттік тілдің дамуына үлес қосқан жазушы, журналист, ғалым және қоғам қайраткерлеріне Мемлекет басшысының алғыс хатын тапсырды. Олардың арасында «Мемлекеттік тілге құрмет» қоғамдық бірлестігінің төрайымы Асылы Осман, Халықаралық «Қазақ тілі» қоғамының президенті Өмірзақ Айтбаев, М. Әуезов атындағы Әдебиет және өнер институтының директоры Кенжехан Матыжанов, жазушы Смағұл Елубаев, А. Байтұрсынов атындағы Тіл білімі институтының бас ғылыми қызметкері Телхожа Жанұзақов, халық жазушысы Мұхтар Шаханов, А. Байтұрсынов атындағы Тіл білімі институтының директоры Ерден Қажыбек, Қазақстан Жазушылар Одағы төрағасының орынбасары Мереке Құлкенов, жазушы-публицист Жұмаш Кенебай, сонымен бірге газетіміздің бас редакторы Срайыл Смайыл да бар. Кездесу барысында жиналғандар мемлекеттік тілді одан әрі дамыту, оны қала жұрты арасында дәріптеу мәселелерін талқылап өзара пікір алмасты. Сонымен қатар қала мектептерінің кітапханаларын қазақ жазушыларының кітаптарымен толтыру және интернет базасын қазақ тілді контентпен толықтыру ұсынылды.

Ал «Жас қазақ» газеті ұжымына берген Қазақстан Президенті Қасым Жомарт Тоқаевтың алғыс хатында: «Тіл туралы» Заңның қабылданғанына отыз жыл толуына орай, мемлекеттік тілдің мерейін асырып, абыройын арттырып, қолдану аясын кеңейткені үшін «Жас қазақ» газеті ұжымы марапатталады» — деп жазылған. Марапат құтты болсын, құрметті әріптестер!

 

05 наурыз, 14:30
Сенімді серіктестік жалғасады
05 наурыз, 14:19
Бақытымды сағынамын...
04 наурыз, 16:13
Халықтың жадында сақталуы тиіс
02 наурыз, 12:50
Кітапқұмар мен ойынқұмар
19 ақпан, 20:55
Бақытжан Сағынтаев: "Біз жағымсыз сценарийдің жүзеге асуына жол бермедік"
19 ақпан, 17:20
Айдос Жұқанұлы: Алаш қайраткерлері туралы жазғанымды небәрі 50 адам оқыды
19 ақпан, 15:03
«Отты отпен сөндіреді. Тіл тартысы бар қазаққа ортақ»
19 ақпан, 12:22
Айылдан шыққан мүсінші