jasqazaq.kz
Ақпарат агенттігі

Ж.Тоқаев: Барлық кінәлілер қатаң жазалануы керек

15 шiлде, 12:17
49

Ж.Тоқаев: Барлық кінәлілер қатаң жазалануы керек
Мемлекет басшысы Қасым-Жомарт Тоқаев Арыстағы төтенше жағдайға байланысты кінәлі барлық шенеунікті жазалауды тапсырды.

«Оқиғаның салдары өте ауыр. Бұл туралы айтып та керек емес. Қазір біз осы салдарды жоюға бар күш-жігерімізді жұмсадық. Әрине, қаланың басым бөлігі жарамсыз қалды. Қазір тергеу бойынша арнайы комиссия жұмыс істеп жатыр. Президент Әкімшілігі комиссиясы жұмысының қорытындысы бойынша Қауіпсіздік Кеңесіне барлық кінәлілерді қатаң жазалау жөнінде ұсыныстар енгізгені жөн. Оның ішінде аса қауіпті объектілерге тікелей жақын жерде құрылыс салуға жауапсыз рұқсат берген азаматтық мемлекеттік қызметшілер де бар. Бұл жұмысты шұғыл жүргізу керек, 10 тамызға дейін тиісті ұсыныстар беріңіз. Барлық кінәлілер қатаң жауапкершілікке тартылуы тиіс және жазалануы керек», — деп тапсырды Тоқаев. Ол Қорғаныс Министрлігі басқа да ұқсас объектілер бойынша егжей-тегжейлі талдау жүргізуі тиіс екенін атап өтті. «Талдау қорытындысы бойынша ақпаратты 20 тамызға дейін енгізсін. Бұл оқиға жұмылдыру дайындығын ұйымдастырудағы кемшіліктерді, төтенше жағдайларды жою бойынша шараларды жоспарлаудағы және ұйымдастырудағы кемшіліктерді көрсетті. Осы оқиғадан сабақ алу керек. Мұндай жағдайлар қайталанбауы тиіс. Үкіметке төтенше жағдайлардың алдын алуға және оларды жоюға жауапты қызметтердің функционалдық дайындығы мен тиімділігін арттыру жөніндегі мәселені қарауы керек. Тиісті ұсыныстар бір ай мерзімде енгізілуі тиіс», — деді Қасым-Жомарт Тоқаев. Президент жарылыс салдарын жою жөніндегі барлық жұмыс оның жеке бақылауында болатынын атап өтті.

16 тамыз, 13:26
"Бой түзейтіндер мен ой түзейтіндер бұққан заман"
13 тамыз, 12:13
Құрбандықтың қадірін білген жөн
12 тамыз, 12:11
«Вы такая красивая, совсем на казашку не похожи»
09 тамыз, 17:19
Мекемтас Мырзахметов: Бүгінгінің байында қанағат жоқ
09 тамыз, 17:12
Әркімнің өз мүддесі
09 тамыз, 12:11
Даналық пен даралық
09 тамыз, 11:58
Тілсіз қалған халық бар
08 тамыз, 14:29
Қазақ әйелі: "Байтұрсынов деген атын айтқым келмейді"