jasqazaq.kz
Ақпарат агенттігі

Қазақстанда интернетті кім бұғаттайды?

13 маусым, 16:49
48

Қазақстанда интернетті кім бұғаттайды?

Қазақстанда заң бойынша әлеуметтік, табиғи және техногендік төтенше жағдайлар кезінде интернетті бұғаттауға болады.

Бас прокуратура интернет пен әлеуметтік желілерді бұғаттауға қатысты түсініктеме берді, деп хабарлайды Sputnik Қазақстан.

Үкіметтің 2018 жылғы 28 қазан күні шығарған қаулысы бойынша интернетті әлеуметтік, табиғи және техногендік төтенше жағдайлар кезінде бұғаттауға болады. Ондай құзірет төрт мемлекеттік орган – бас прокуратура, ұлттық қауіпсіздік комитеті, ішкі істер министрлігі және қорғаныс министрлігіне берілген.

Бас прокуратураның өкілі Сапарбек Нұрпейісов ондай қаулының бар екенін және интернетті бұғаттау құзіретінің аталған төрт министрлікке берілгенін растады. Оның айтуынша, осы күндері Бас прокуратура тарапынан әлеуметтік желілер мен интернет бұғатталмаған.

«Иә, ондай қаулы бар. Онда төрт мемлекеттік органға тиісті өкілеттіктер берілген. Әрине, бас прокуратура алдымен құзіретті органға жүгінеді. Бірақ біздің тарапымыздан ондай өтініш жасалған жоқ», — деді қоғамдық мүдделерді қорғау қызметінің басшысы Нұрпейісов арнайы баспасөз мәслихатында.

Айта кетсек, 11 маусымнан бастап Қазақстанда желі қолданушылары әлеуметтік желілер мен WhatsApp, Telegram сияқты мессенджерлерінің бұғатталғанына шағымданды.

13 тамыз, 12:13
Құрбандықтың қадірін білген жөн
12 тамыз, 12:11
«Вы такая красивая, совсем на казашку не похожи»
09 тамыз, 17:19
Мекемтас Мырзахметов: Бүгінгінің байында қанағат жоқ
09 тамыз, 17:12
Әркімнің өз мүддесі
09 тамыз, 12:11
Даналық пен даралық
09 тамыз, 11:58
Тілсіз қалған халық бар
08 тамыз, 14:29
Қазақ әйелі: "Байтұрсынов деген атын айтқым келмейді"
07 тамыз, 15:59
Шехведрамде, Грузия!