jasqazaq.kz
Ақпарат агенттігі

Кәсіпкер екі отбасына үй салып берді

12 ақпан, 12:57
79

Кәсіпкер екі отбасына үй салып берді

Түркістан облысында кәсіпкер Сырым Ертаев өз қаржысы есебінен екі отбасына үй салып берді. «Қайып ата» ЖШС басшысы әрі «Қазақстандағы 100 жаңа есім» жобасына енген азамат көпбалалы жанұяларға осындай қайырымдылық жасады, деп хабарлайды ҚазАқпарат.

Жомарт жүректі кәсіпкерге алғысын білдірген екі отбасы бүгінде жаңа баспаналарына қоныстанды. Қазақстанда ет экспортының әлеуетін көтеріп, шетелге ет тасымалдап жүрген Сырым Ертаев өз кәсібі арқылы өзге де ауылдастарын жұмыспен қамтып отыр. Осылайша, ол «Қазақстандағы 100 жаңа есім» қатарына шынайы ел патриоты ретінде енгенін ісімен дәлелдеді. Алдағы уақытта да қайырымдылық шараларына атсалысуды көздеп отырған кәсіпкерге Қазығұрт ауданының тұрғындары дән риза. Қазіргі таңда аталған ауданда қайырымдылық жасау шаралары жиілеп отыр. Мәселен, жуырда ғана еліміздегі 11 миллионыншы қазақтың отбасына аудан әкімдігі жаңа пәтердің кілтін тапсырды. Мұхтар Әбдірахым Қазығұрт ауданы Қарабау ауылдық округі Үшбұлақ ауылында дүниеге келген. Ол Қазақстанда туған 11 миллионыншы қазақ болып тіркелген. Мұхтардың әкесі Мәлік Бадамбаев ауыл шаруашылығымен айналысады. Анасы Шолпан Күдербекова — мектепте мұғалім. Үйлі болған отбасы ел азаматтарына алғыстарын айтты. Сондай-ақ, жергілікті депутаттар Қазығұрт ауылдық округінің тұрмысы төмен 30 отбасына демеушілік жасап, азық-түлікпен көмек көрсетті. Аудандық «Жалында жастар» қоғамдық бірлестігі облыс және аудан кәсіпкерлерінің қолдауымен әлеуметтік жағдайы аз қамтамасыз етілген отбасыларға үй-жиһаздарын және азық-түлік алып берген. Қайырымдылық іс-шаралары алдағы уақытта да жалғасын таппақ.

13 тамыз, 12:13
Құрбандықтың қадірін білген жөн
12 тамыз, 12:11
«Вы такая красивая, совсем на казашку не похожи»
09 тамыз, 17:19
Мекемтас Мырзахметов: Бүгінгінің байында қанағат жоқ
09 тамыз, 17:12
Әркімнің өз мүддесі
09 тамыз, 12:11
Даналық пен даралық
09 тамыз, 11:58
Тілсіз қалған халық бар
08 тамыз, 14:29
Қазақ әйелі: "Байтұрсынов деген атын айтқым келмейді"
07 тамыз, 15:59
Шехведрамде, Грузия!