jasqazaq.kz
Ақпарат агенттігі

Көлігін сатпақ болған жігітті өлтіріп, көміп тастаған

06 желтоқсан 2018, 14:25
1252

Көлігін сатпақ болған жігітті өлтіріп, көміп тастаған

Шымкенттің 26 жастағы тұрғыны Toyota маркалы автокөлігін сату үшін Алматы облысындағы базарға кеткеннен кейін жоғалып кеткен. Ұлынан хабар ала алмаған анасы полицияға шағымданыпты. Алайда жас жігіт Алматы облысынан өлі күйінде табылды, деп хабарлайды облыстық полиция департаментінің баспасөз қызметіне сілтеме жасап Stan.kz.

Ведомство мәліметінше, күдікті «Тойота» маркалы көлігін сатуға келген 26 жасар азаматты «ақшаны үйде беремін» деген желеумен алдап, көлікке нотариалды құжат жасатқан. Көлік базарынан шыққанда елсіз жерде көлік иесін өлтіріп тастаған. Мұнан кейін мәйітін жол-жөнекей жарға көміп кетіпті.

Белгілі болғандай, күдікті бұған дейін сотталған екен.

«Түркістан облысының тұрғынын өлтіріп, көлігін алып кеткен 36 жастағы облыс тұрғыны ұсталып, уақытша ұстау оқшаулағышына қамауға алынды. Қазіргі уақытта ҚР Қылмыстық кодексінің 99-бабына (Кісі өлтіру) сәйкес сотқа дейінгі тергеу амалдары жүргізіліп жатыр. Бұл іс облыстық тергеу басқармасының өндірісінде»,- дейді облыстық полициядағылар.

Айта кетсек, ұрланған көлік күдіктінің үйінен табылды. Автокөлік тәркіленіп, іс материалдарына айғақзат ретінде тіркелді.

12 шiлде, 12:49
Жолдағы жүгенсіздік
05 шiлде, 12:16
Алтынбек Қоразбаев: Жақсы әнге жанашыр көп
05 шiлде, 12:12
Әйелді жанды қуыршаққа айналдырады (EXCLUSIVE)
28 маусым, 10:21
КРІ: Мүмкіндігі мол мұнайхимиясы
21 маусым, 13:50
Тау иесін құтқару
18 маусым, 15:12
Қуанып барып, қарызданып қайтпаңыз!
14 маусым, 11:44
Шапанды сән үшін кимедім
14 маусым, 11:30
Мақсатымыз - айқын, жолымыз - ашық!