jasqazaq.kz
Ақпарат агенттігі

Маңғыстау: Газ керек

04 тамыз 2017, 17:22
207

Маңғыстау: Газ керек

Қара алтынның қаймағын сүзіп отырған Маңғыстау газдан тапшылық көруіп жатыр десе, құлаққа ерсі естіледі екен. Бірақ мұнайлы өңірде осымен екінші рет сұйық отын жетіспей, жұрт шақырайған күн астында кезекте тұр. Уақытын кезек күтумен өткізген бір жүргізуші «Қаланың бүкіл жерін айналып келдім, бәрінде кезек. Әр бекетте 50-100 машинадан тұр. Уақытымыздың бәрін осы кезекпен жоғалтамыз. Жұмысымыз жоқ па, бала-шағамыз жоқ па біздің?!» — деп кейіді.

Бұл жағдай неге жиі қайталанады? 24.kz хабарлағандай бұрын бензин безгегі есті алатын, енді газ тапшылығы алқымды қысады. Газ бен мұнайдың үстінде отырған Маңғыстау үшін бұл шынымен түсініксіз жағдай. Әлде, жиі-жиі қайталанатын газға тәуелділікке зауыт басшылары, тасымалдаушы компаниялар, ортадан пайда табатын делдалдар кінәлі ме? Газ құю бекетінің қожайыны Тағанияз Боқанұлы «Қала бойынша жекеменшік 50 шақты газ бекеті бар. Бәрі жабық. Себебі газ жоқ. Жаңаөзендегі газ өңдеу зауытынан айына 60 тонна ғана газ жеткізіледі. Жаз айында ол ешкімге жетпейді» — дейді.

Мұнайлы өңірге жазда саяхатшылар да көп ағылады. Қарт Каспийдің жағасы демалушыларға таптырмай аймақ. Бұл мезгілде көлік те әдеттегіден екі есе көбейеді. Өңірдегі «темір тұлпардың» 70 пайызы газға ауыстырылған. Осындай түйткілдің болатынынан хабардар атқамінерлер неге ерте қамданбайды?

09 шiлде, 12:00
Қиналғанда қасыңда тіреу болған ағайын
02 шiлде, 11:43
Бір мая шөп – көпке үлгі
02 шiлде, 11:31
Екпе алудың пайдасын халыққа сауатты түрде түсіндіру қажет
02 шiлде, 11:27
Журналист мәртебесін көтереміз!
25 маусым, 12:34
Бесігімізді түзеуде неден сүріндік?
25 маусым, 12:32
Руға тартсақ, ескерткіш те, саябақ та болмайды
25 маусым, 12:27
Жер асты суын пайдалан, жұтамайсың
25 маусым, 12:24
Жаздың жұты жанға батады