jasqazaq.kz
Ақпарат агенттігі

Мұғалімнің 28 милионын жымқырды

11 желтоқсан 2016, 11:53
502

Мұғалімнің 28 милионын жымқырды

Шымкент қаласы бойынша білім мен ғылым саласы қызметкерлерінің кәсіподағы есепшотынан қыруар қаржының ұрланғаны анықталды, деп xабарлайды «Оңтүстік Қазақстан» газеті.

ҚазАқпарат хабарлағандай, «осы кәсіподаққа мүше азаматтардың бастамасымен аудиторлық тексеріс жүргізілген болатын. Соның нәтижесінде 27 млн. 677 мың 789 теңгенің ұрланғаны анықталды. Бұның бәрі — сала қызметкерлерінің жарналары», — дейді мұғалімдердің құқықтарын қорғау жөніндегі ұйымдастырушы комитетінің басшысы Уәлиxан Юсупов. Оның айтуынша, осы мәселе бойынша құқық қорғау органдарына арыз берілген болатын. Қылмыстық іс қозғалды. Бүгінде Шымкент қаласы бойынша білім мен ғылым саласы қызметкерлері кәсіподағының төрағасы Ғани Сүлеймен күдікті ретінде жауапқа тартылып отыр. «Дегенмен, бұл іске ҚР Тәуелсіз кәсіподақтар конфедерациясының басшысы Лариса Харькованың да қатысы бар болуы әбден мүмкін», — дейді кәсіподақ мүшелері. Харькова xаным білім мен ғылым саласы қызметкерлерінің құқықтарын қорғаудың орнына ылғи шетелде командировкамен жүреді. Ал миллиондаған ақшаның ұрланғанына қатысты мұғалімдердің арыз-шағымдарына мүлдем құлақ аспайды. Осы мәселе бойынша түсініктеме де бермей отыр. Мұғалімдер болса, өз құқықтарын қорғауға ай сайын аударып отырған жарналарының қайда жұмсалғанын біле алмай жатыр. Осы уақытқа дейін Харькова жетекшілік ететін Конфедерация олардың бірде-бір проблемасын шешкен жоқ. Тіпті, санаторлық пен курорттық жолдамаларды ешкім көрмеді. Осыған байланысты Шымкент қаласы бойынша білім мен ғылым саласы қызметкерлерінің кәсіподағы ҚР Тәуелсіз кәсіподақтар конфедерациясы құрамынан шығуға шешім қабылдады.

 

29 қараша, 11:56
Білімде сұрақ көп, жауап жоқ
22 қараша, 15:01
Сирия соқпақтары немесе бір фильм-қилы тағдырлар
22 қараша, 11:27
Ілия Жақанов: Менің әнім сендерсіз де айтылып жүр!
19 қараша, 15:12
Айтматов әлемі
18 қараша, 11:52
Әпкемді алдап кетіпті...
15 қараша, 18:07
Автобустың әлегі
15 қараша, 18:01
Ұн қымбат, ет тапшы
12 қараша, 12:27
Мақау кісінің мұңы