jasqazaq.kz
Ақпарат агенттігі

Зейнеткерді алдаған шетелдік сотталды

24 қараша 2016, 11:00
232

information_items_3111

Ақмола облысында зейнеткерлерге қатысты алаяқтық қылмыс жасаған шетел азаматы 4 жылдан астам мерзімге сотталды, деп хабарлайды «ҚазАқпарат»  облыстық соттың баспасөз қызметіне сілтеме жасап. Баспасөз қызметінің мəліметі бойынша, Ақмола облысының Шортанды  аудандық соты алаяқтық жасағаны үшін айыпталған 1952 жылы туған ҚР азаматтығы жоқ,  Астана қаласында уақытша  тұрып жатқан Акопян Аликоға қатысты қылмыстық істі қарады. «Сот анықтағандай, А.Акопян 2015 жылдың 15 желтоқсанынан 2016 жылдың 14 қаңтары аралығында  Ақмола облысының Шортанды ауданы Дамса ауылының және Степногорск қаласында тұратын зейнеткер әйелдерді бірнеше рет алдап, қаражаттарын жымқырған. А.Акопян зейнеткерлерден шет елде тұратын туыстарының мекен жайын анықтап, өзін олардың туыстарының сәлемдемелерін жеткізетін жүргізуші ретінде таныстырған. Сәлемдемелерін жеткізуге автокөлікте жанар-жағармайдың жоқтығын сылтауратып, зейнеткерлерден ақша алғаннан кейін олардың көзіне түспеуге тырысқан. «Осылайша алаяқ 14 зейнеткерді жалпы соммасы 3 224 665 теңгеге алдаған», — деп көрсетілген хабарламада. Сот үкімімен Акопян Алико Қазақстан Республикасы Қылмыстық кодексінің  190-бабы 3-бөлігінің 1-тармақшасы бойынша кінәлі деп танылып, мүлкiн тәркiлеумен қатар, 4 жыл 4 айға бас бостандығынан айыру жазасына кесілді. Ол жазасын өтегеннен кейін Қазақстан Республикасының аумағынан шығарылып, елге қайта келуге 5 жыл мерзімге дейін тыйым салынады. Сотталғаннан әрбір жәбірленушінің пайдасына келтірілген залал өндірілді. Үкім заңды күшіне енген жоқ.

ҚазАқпарат

Бүгін, 20:35
Оқушы киімі қанша тұрады?
16 тамыз, 13:26
"Бой түзейтіндер мен ой түзейтіндер бұққан заман"
13 тамыз, 12:13
Құрбандықтың қадірін білген жөн
12 тамыз, 12:11
«Вы такая красивая, совсем на казашку не похожи»
09 тамыз, 17:19
Мекемтас Мырзахметов: Бүгінгінің байында қанағат жоқ
09 тамыз, 17:12
Әркімнің өз мүддесі
09 тамыз, 12:11
Даналық пен даралық
09 тамыз, 11:58
Тілсіз қалған халық бар