Шымкент әкімі тарихи жерлерді саудагерлерден қайтарып алмақ (видео)

Шымкентте «Ескі қалашық» аумағын абаттандыру және қайта қалпына келтіру жұмыстары басталды. Бұл туралы қала əкімі Ғабидолла Әбдірахымов «Ескі қалашық» аумағында орналасқан кəсіп иелерімен кездесу барысында айтты.

Әкімдіктегілердің айтуынша, бұл аумақта, тарихи деректерге сәйкес, XIII ғасырда салынған цитадель бар.
Tengrinews.kz сайтының хабарлауыншы бүгінгі таңда жалпы ауданы 6,7 га жер учаскесінің ішіндегі 103 жер телімі кәсіпкерлік мақсатта пайдалануға берілген. Бұған дейін құрылыс иелері әкімдіктен бірнеше рет ескерту алған. «Көшуге дайындалыңыздар. Бұл мемлекеттік маңызы бар тарихи жер. Сауда қатарларының иелерін түсінемін, бірақ шұғыл шаралардың уақыты келді. «Ескі қалашық» аумағын қайта қалпына келтіру жұмыстары жақында басталады», — деп қала әкімі үндеу жасады.