jasqazaq.kz
Ақпарат агенттігі

Сағынтаев ТЖК басшысының орынбасарын жұмыстан босатты

12 ақпан, 12:34
20

Премьер-министр Бақытжан Сағынтаев Төтенше жағдайлар комитеті басшысының орынбасары Барат Дұзақбаевты жұмыстан босатуды тапсырды. 

 Tengrinews.kz  жазғандай, «Төтенше жағдайлар комитетінің басшысының орынбасары Барат Дұзақбаев жұмыстан босатылсын, ол ұзақ уақыт Астана қаласының Төтенше жағдайлар департаментін басқарған», — деді Сағынтаев үкімет отырсында. «Өздеріңіз көріп отырғандай, өрт және су тасқын мәселелеріне аса қатты назар аудару керек. Осыған байланысты ІІМ мен әкімдерге өрт қауыпсіздігін қамтамасыз ету керек және оның алдын алу шаралар жасалуы тиіс. Оның ішінде көпбалалы, жағдайы төмен отбасылар және мүгедек адамдар мен зейнеткерлердің үйлеріне назар аударылуы керек», — деді үкімет басшысы. Премьер-Министр Президент әкімшілігіне  Ішкі істер министрінің орынбасары Юрий Ильинге сөгіс жариялануы туралы ұсыныс жіберетінін айтты. Қатаң сөгісті Төтенше жағдайлар комитетінің басшысы Владимир Беккер алды. Оған қоса, Астана қаласының Төтенше жағдайлар департаментінің басшылық қызметін орындаушы Марғұлан Аманбаевқа да қатаң сөгіс жарияланды. Себебі, ол ұзақ уақыт Астана қаласының Төтенше жағдайлар департаментін басшысының орынбасар қызметін атқарған. Еске салайық, Астанада жекеменшік үйдегі өрт салдарынан бес бала қаза тапты. Қайғылы оқиға Сарыарқа ауданы Шыңғыстау көшесінде болды. 4 ақпанда сағат 02:34-те 101 пультіне жеке тұрғын үй аумағындағы уақытша құрылыстан өрт шыққаны туралы хабарлама келді. Өрт 30 шаршы метрді шарпып, кейін 25 шаршы метр шатырды құлатқан. Тілсіз жау 03:06-да оқшауланып, 03:24-те сөндірілді. От сөндіру барысында 2006, 2008, 2013, 2015 және 2018 жылдары дүниеге келген бес баланың мәйіті табылды. Ата-аналары жұмыста болған.

08 ақпан, 16:29
Мұрнына өлең иісі бармайтындар да баға береді...
08 ақпан, 16:19
Кезекті дүние, кезбелі дәулет
08 ақпан, 15:53
Лашықтағы өмір
08 ақпан, 15:47
Небәрі 12 ер мұғалім...
04 ақпан, 22:23
Үзіліп түсті бес тал гүл, сабағынан...
01 ақпан, 16:21
Бренд болуы тиіс!
01 ақпан, 16:14
Жансыздар немесе отаршылдардың жымысқы тәсілі жөнінде
01 ақпан, 16:04
Жұмабай Шаштайұлы: Адам жанын ақша арбады