jasqazaq.kz
Ақпарат агенттігі

Алматыда Сайран көлінен жігіттің денесі табылды

20 маусым, 13:16
23

Алматыда тәулік бойы іздестірілген 29 жастағы Нұрлан Тұрлықожаның денесі Сайран көлінің батыс жағалауынан табылды. Бұл туралы ҚазАқпарат ҚР ІІМ ТЖК ресми өкілі Руслан Иманқұлов айтты.

Марқұмның жақындарының айтуынша, жас жігіт таныстарымен бірге Сайран көліне демалуға кеткен. Содан қайтып оралмаған соң туыстары дабыл қақты. «ТЖК республикалық жедел құтқару жасағы мен Алматы әкімдігінің құтқару қызметінің өкілдері таңғы 8:30-ден іздестіру жұмыстарын жүргізген. Жігіттің денесі таңғы 10:02-де Сайран көлінің батыс жағалауы тұсынан табылды. Көлдің бұл тұсы шомылуға арналмаған. Іздестіру жұмыстарына 20 құтқарушы, арнайы техника мен қайықтар жұмылдырылды», — деді Руслан Иманқұлов. ТЖК ресми өкілінің хабарлауынша, жыл басынан бері 49 адам суға батқан. Оның ішінде 19 бала бар. Былтыр бұл уақытта 88 адам, оның ішінде 49 бала көз жұмған. «Қайғылы жағдайлардың көпшілігі тыйым салынған жерлерде мас күйінше шомылудың кесірінен болады. Сонымен қатар адамдар өзінің шамасына қарамайды. Балалардың барлығы дерлік үлкендердің қарауынсыз жүрген. Балық аулағанда да қауіпсіздік талаптары сақталмайды», — деді Руслан Иманқұлов.

16 қараша, 13:56
Қашан да құнды
16 қараша, 12:09
Тақиялы періште: тақиясы табылмай тұр
09 қараша, 14:53
Гүлзат Көбек: Арзанның жілігі татымайды
09 қараша, 14:36
Полиция: Реформа киім ауыстырудан басталады
09 қараша, 14:26
Айқайға қиқу қосып...
09 қараша, 14:14
Көкшеде келеңсіз көрініс
02 қараша, 18:13
Сирияда халифат та, ислам да жоқ екенін түсіндім
02 қараша, 17:02
Олардың жеңілісі - сеніп қалғандығы