jasqazaq.kz
Ақпарат агенттігі

Қытайдағы қазақ қызының өліміне қатысты жаңа дерек

13 қантар, 15:01
457

Қазақстандық студент қыз Қытайда досының үйінде 14 қабаттан құлап қаза тапты, деп хабарлады Қазақстанның сыртқы істер министрлігі баспасөз қызметі Sputnik Қазақстан агенттігіне.

Дипломатиялық ведомствоның мәліметіне сүйенсек, оқиға 1 желтоқсанда болыпты. Он сегіз жастағы студент қыз құрбысымен бірге пәкістандық досының үйінде қонақта болады. Бойжеткен 14-қабаттағы пәтер терезесінен құлап қаза тапқан.

«Оқиғадан кейін бірден тергеу ісі басталған. Пәкістанның екі азаматы қамауға алынды. Біреуі әлі түрмеде отыр, ал екіншісі елден кетпеу туралы қолхат беріп босатылған. Қазір тергеу әлі жүріп жатыр. Басқа мәлімет берілген жоқ», — деп хабарлады Жайнақов.

Қаза тапқан қыздың құрбысы да Қазақстан азаматы екен, екеуі Сучжоу қаласындағы университетте оқиды.

«Шанхайдағы бас консулдығымыздың дипломаттары оқиғаны ести сала, туған-туыстарымен хабарласып, болған жайтты жеткізді. Бойжеткеннің мәйітін Қазақстанға жеткізу үшін көмектесті. Қазақстандық дипломаттар мәселені ерекше бақылауда ұстап отыр. Қыздың туыстарына жергілікті адвокат жалданды. Ата-анасы тергеудің аяқталуын күтуде», — дейді Жайнақов.

Марқұмның мәйіті Қазақстанға 25 желтоқсанда жеткізілді.

14 желтоқсан, 11:54
Жадымыздасың, Желтоқсан!
07 желтоқсан, 13:04
Ыдырыс Мұстамбайұлы
07 желтоқсан, 12:58
Кебенекті біліесіз бе?
07 желтоқсан, 12:54
Әзірге ұсыныс
07 желтоқсан, 11:39
Дуа мен дауа немесе Айтолқынның айласы
30 қараша, 12:29
Құзорда - Баласағұн
30 қараша, 12:22
Шанақтан шыққан шатақ
29 қараша, 15:06
Bitcoin құнсызданып барады