Алимент төлемеу үшін қызын өлтірген

07 желтоқсан в 15:13 134 рет оқылды

Өзбекстанның Әндіжан облысында тұратын Диербек Юлдашев есімді азамат сегіз жастағы қызы Севараны өлтірді деген айыппен ұсталды. Құқық қорғау органдарының мәліметінше, күдікті қызды қылғындырып өлтіріп, денесін арыққа тастаған.

23 қазан күні жоғалып кеткен Севара Юлдашеваның денесі 2 желтоқсанда табылды. Оның өліміне 27 жастағы әкесі Диербек Юлдашев кінәлі ретінде ұсталған.

Тергеу кезінде ол кінәсін толық мойындады.

Мәліметтерге қарағанда, Юлдашев жалғыз қызына алимент төлемеу үшін өлтірген болуы мүмкін.

“Диербектің ажырасып, басқаға үйленгеніне екі жыл өтті. Ол жалғыз қызына алимент төлейтін”, – деді жергілікті тұрғындардың бірі.

Туыстары да солай деп отыр. Бірақ құқық қорғау органдары қылмыс мотивін құпия сақтауда. Қасақана кісі өлтіру қылмысына байланысты іс қозғалды.

stan.kz

+7 702 839 00 99

Жаңалықтар