Бір пәтердің құнына салынған дәретхана

22 қараша в 16:12 143 рет оқылды

Павлодарда екі жаңа қоғамдық дәретхана 11 миллион теңгеге салынды. Бұл қаражатқа қаланың орталығынан үш бөлмелі пәтер алуға болады, деп хабарлайды Today.kz.

Дәретханалар жұмыс істей бастады. Олар Гагарин саябағындағы ескі алаңда орналасқан.

Қалалық тұрғын үй-шаруашылық бөлімі дәретханалардың өзі 2,5 миллион тұратынын айтты. Қалған қаражат коммуникация жүргізуге кеткен.

«Қазіргі таңда дәретханалар «Коммун-сервис» мемлекеттік коммуналды кәсіпорнына берілді. Қазір жұмыс істеп тұр. 08:00-ден 18:30-ға дейін жұмыс істейді. Бір дәретхананың құны — орнатуымен бірге 5,4 миллион теңге», — деді Павлодар мемлекеттік коммуналды кәсіпорнының бөлім меңгерушісі Ержан Түсіпбеков.

Жаңа дәретхананың үш бөлмесі бар: бірі — ерлерге, екіншісі — әйелдерге, үшіншісі — мүмкіндігі шектеулі жандарға арналған. Дәретханаға кіру құны — 50 теңге.

Павлодарда бұндай дәретхана алғаш рет 2016 жылы пайда болған. Ол кезде дәретхана бес миллион теңгеге салынды.

+7 702 839 00 99

Жаңалықтар