jasqazaq.kz
Ақпарат агенттігі

Көкшетауда 70 жастағы әке ұлын тапаншамен атып жіберді

15 қараша 2017, 11:44
229

Көкшетаудың 39 жастағы тұрғынының бетіне оқ тиді. Ол Ақмола облыстық ауруханасына жатқызылды. Аталған дерек бойынша полиция сотқа дейінгі тергеуді бастады. Бұл туралы Ақмола облыстық ІІД хабарлады, деп жазады Today.kz.

Полиция хабарлағандай, ер адамды жетпістегі әкесі атып жіберген.

«Сол күні ер адам үйіне ішімдік ішіп, травматикалық қарумен келген. Әкесі мен ұлының арасында жанжал туып, ұлы әкесіне қол жұмсаған. Күдікті ұлынан тапаншаны тартып алмақ болған кезде тапанша үш рет атылып кеткен. Оқ ер адамның бетіне тиген», — деді ІІД.

Жәбірленуші әке-шешесімен бірге тұрады. 39 жастағы ер адам жұмыс істемейді, ішімдік ішіп, жиі жанжал шығарады екен.

Бұрын учаскелік инспекторлар оны алкоголизмнен емделуге мәжбүрлеген болатын. Ер адам ішкі істер органының профилактикалық есебінде тұр.

Жәбірленуші ауруханада жатыр. Әкесінің сөзінше, тапаншаны үйге баласы әкелген.

«ҚР ҚК 293 бабы, 3 тармағы «Бұзақылық» бойынша сотқа дейінгі тергеу басталды. Сараптама тағайындалды. Күдікті еш жерге шықпайтыны жөнінде қолхат жазды», — деді полиция.

13 шiлде, 14:43
Әлихан Бөкейхановтың ауылы
13 шiлде, 12:52
Журналистикаға оралуды армандадым
13 шiлде, 12:40
Топырақ иісі немесе қарашығында Қарағандысы қалған ұл
06 шiлде, 12:28
Мұқағали бейнесі әлі есімде
06 шiлде, 12:04
Алтын кеседегі көл "жасы"
06 шiлде, 11:52
Болат найза, немесе Тархан Жәнібек туралы не білеміз?
02 шiлде, 11:01
Мыс шаһардың бүгіні мен ертеңі
29 маусым, 11:38
Мойыл терген қыз, мойымай өткен ана