jasqazaq.kz
Ақпарат агенттігі

Жерді заңсыз үлестірген шенеунік жұмыстан босатылды

14 қараша 2017, 12:19
239

Кадастрлық құны 56 млн теңге болатын 51 жер телімін халыққа заңсыз үлестірген маңғыстаулық шенеунік жұмысынан босатылды, деп хабарлайды 24.kz.

Қарақия ауданының жер қатынастары, сәулет және қала құрылысының бұрынғы басшысы коммерциялық мақсаттағы жер телімдерін қосалқы шаруашылық үшін деп тұрғындарға таратып келген.

Кейін ол жерлердің құжатын кәсіпкерлік нысан немесе тұрғын үй салуға ауыстырып отырған. Мемлекеттік қызметкердің айласын аудандық про-куратура әшкерелеп, жалпы көлемі 8,25 гектар жер телімін мемлекетке қайтарды.

Бұл дерек тәртіптік кеңесте қаралып, нәтижесінде бөлім басшысы мен сәулетшісі қызметінен қуылды. Ал аудан әкімінің орынбасарына ескерту жасалды.

Мақсат Жақаев, Қарақия ауданының прокуроры:

– 2015 жылғы өзгерістерге байланысты жер қазіргі кезде тек қана аукцион, конкурстар арқылы беріледі. Яғни осыны біле тұра, заңды айналып өтіп, жоғарыда аталған бөлім басшылары 51 жер телімін заңсыз қосалқы шаруашылық ретінде табысталғаны анықталды. Тексерудің нәтижесін ҚР мемлекеттік қызмет істері және сыбайлас жемқорлыққа қарсы іс-қимыл агенттігінің тәртіптік кеңесіне ұсыныс ретінде енгізген болатынбыз.

21 қыркүйек, 11:17
"Чайка" жігіттер
14 қыркүйек, 17:06
Құжат мақұлданды
14 қыркүйек, 16:54
Ертегіші қыз
14 қыркүйек, 16:46
Латын әліпбиіне көшу - қазақ тілінің жаңа белесі
31 тамыз, 12:05
Түйткілді дипломатиялық жолмен шешу керек
24 тамыз, 12:21
Ұлы тұлғалармен сұхбат
24 тамыз, 12:03
Қаңғыбас бала қайдан шығады?
24 тамыз, 11:56
Баукеспе