jasqazaq.kz
Ақпарат агенттігі

Ақтөбелік лаңкестер: Не істеп, не қойғанымызды өзіміз де білмейміз (видео)

25 ақпан 2017, 13:52
438

Ақтөбе облысының дін істері басқармасы, «Аңсар» ақпараттық талдау орталығы өткен жылы жазда Ақтөбеде болған лаңкестік шабуылға қатысып, өмір бойы бас бостандығынан айырылғандар туралы «Адасқанның алды — жөн, арты — соқпақ» атты бейнероликті жарыққа шығарды. Бейнеролик шығарудағы мақсат — экстремизм мен терроризмнің алдын алу, еліміздегі азаматтарға дәстүрлі дінді насихаттау…


Ғаламторға салынған жаңа видеоның астында осылай деп жазылған, деп хабарлайды Caravan.kz.

Бейнероликте лаңкестер өз істеріне өкініш білдіреді.

«Істегеніміз — өмірдегі ең үлкен қателік. Бұның қалай болғанын өзім де білмеймін. Алла куә ғой. Бірақ лаңкестік болған кездегі кейбір жерлерде есімді білмеймін. Ұйқылы-ояу сияқты күй кештім. Бастысы, білім алу керек екен. Бұл білімсіздіктен болды. Біреудің айтқанымен жүріппін» дейді жазасын өтеуші Әлібек Ақпанбетов.

Сондай-ақ, бейнероликте сөйлеген лаңкестер бұл ісі үшін әке-шешесінен ұялатынын айтқан. «Қазір оның (анасын айтады — ред.) жасы 50-ден асты… Ол мені 28 жасқа дейін асырады, орта білім берді. Жоғары білімді аяқтамадым. Мен үшін қолынан келгеннің бәрін жасады. Соның қайтарымын жасауым керек еді. Қазір, әрине, ұялып отырмын. Ата-ананы бағалап, оларға қамқор болу керек» дейді жазасын өтеуші Асхат Рахметов.

 

 

25 мамыр, 11:59
Қазақ қыздарына қайран қалмаймын
18 мамыр, 12:37
Ашаршылық ақтаңдақтары
18 мамыр, 12:20
Банк борышкердің құқығын ескермейді
11 мамыр, 11:35
Тағылымды тауарих
11 мамыр, 11:25
Шүкір, банкке қарызбын!
11 мамыр, 11:18
Қазақтың қайсар Қасымы
05 мамыр, 11:20
Соңғы "жорық"
04 мамыр, 14:50
Медиа форум - жаһандық пікірталас алаңы