Жамбыл Ахметбеков: Бұл инвестиция қамы

13 ақпан в 11:45 169 рет оқылды

Қазақ қоғамында қызу талқыланған Конституцияның 26-бабына өзгеріс енгізу туралы мәселеге Парламент Мәжілісінің депутаты Жамбыл Ахметбеков түсінік беріп өтті.
«Біздің ең басты мақсатымыз – экономикамызды шетелдік инвестицияны тарту арқылы жаңғырту. Демек, шетелдіктер тарапынан қандай да өндіріс нысандары салынатын болса, ол біздің территориямызда жұмыс істеп, ел экономикасына қызмет атқарады» деген депутат, Констиуцияның 26-бабында сол шетелдік компаниялардың өндіріске араласуы кезінде алған нысандарының, техникасының, үйінің ішіндегі дүние мүлкінің толықтай қорғалатындығы айтылып отырғанын атап өтті.
«Бірақ, ауыл шаруашылығы жерлері бұған жатпайды. Ауыл шаруашылығы мақсатындағы жер пайдалануға ғана беріледі. Одан шыққан өнім қоғамға бірдей қызмет етуі керек. Жер кодексінде «шетелдіктерге жер мүлде сатылмайды және берілмейді» деп айқын жазылған. Тіпті, ол кодекстің кей баптарына Президент Жарлығымен мораторийдің де жарияланғаны белгілі.
Констиуцияның 26-бабы мүлікке байланысты мәселені қозғап отыр. Оған үй, құнды облигациялар, транспорт, өндірістік нысандар кіреді. Бұған дейін «Қазақстан азаматы» деп жазылып келген сөзді «әркім» деп қайта редакциялау туралы ұсыныс, елімізде инвестиция көлемінің ұлғаюына байланысты туындап отыр. Яғни, біз шетелден келген инвесторлардың мүлкіне, техникасына кепілдік беруіміз керек» деп атап өтті Жамбыл Ахметбеков.

Әли БЕК

+7 702 839 00 99

Жаңалықтар

Бүгін, 16:55

«Еншіңді» ал!